Iqtisodiyot
Evropa oraylıq banki basshısı Kristin Lagard wazıypasın muddatinen aldın tastap atır
Evropa oraylıq banki basshısı Kristin Lagard óz wazıypasın muddatinen aldın tastap atatının járiyaladı. Bank baspasóz xızmetiniń xabar beriwinshe, Lagard 2027-jıl 7-fevral kúni istepaǵa shıǵadı. Ol bul haqqında EOB Basqarıw keńesi hám Evropa keńesi baslıǵı Antoniu Koshtaǵa málim etken.
Reuters agentliginiń esletiwinshe, Kristin Lagarddıń waqtınsha wákillik múddeti 2027-jıl oktyabr ayında juwmaqlanıwı kerek edi. Onıń muddatinen aldın ketiwi Fransiya prezidenti Emmanyuel Makron hám Germaniya kansleri Fridrix Merske 2027-jıl aprelde Fransiyada bolip ótetuǵın saylawlarǵa shekem jańa basshı tayınlaw máselesin sheshiw múmkinshiligin beredi, dep jazadı dpa agentligi.
Lagarddıń kutilip atırǵan bul qádemi haqqında ádewir waqıt aldın málim bolǵan edi. DW aldın ala xabar bergenindey, bul qádemnen maqset Evropa tárepdarı bolǵan mó'tadil kózqarasqa iye bolǵan kandidattıń EOB basshısı lawazımına saylanıwın támiyinlew bolıwı múmkin. Fransiyadag'ı saylawlarda on' populistlerdin' jeńiske erisiwi jańa basshılıqtı tayınlawdı qıyınlastırıwı múmkin edi.
Sol menen birge, qániygeler ixtiyariy túrde muddatinen aldın lawazımnıń tastap ketiwi EOB ǵárezsizligi boyınsha geypara qáweterlerdi oyatıwı múmkinligin atap ótpekte. Bank siyasiy aralasıwlarsız iskerlik alıp barıwı kerek, al onıń wákillikleri Evropa Awqamın shólkemlestiriw tuwrısındaǵı shártnamalar menen qorǵalǵan bahalar turaqlılıǵın támiyinlewge qaratılǵan.
Taldawshılar jaqın kelesipte banktiń pul-kredit siyasatı ózgerissiz qalıwın kútpekte. Reuters agentliginiń jazıwınsha, Lagard Dúnyajúzlik ekonomikalıq forumına jumısqa ótiwi múmkin.
Evropa keńesi baslıǵı Koshta Lagarddıń ornına kandidattı anıqlaw procesi 29-oktyabr kúniniń ózinde baslanıwın málim etti.
Ulashish