Ta'lim
Suniysiy intellekt hám oqıtıwdıń zamanagóy usılları: Qaraqalpaqstanda xalıqaralıq konferensiya bolip ótti
Qaraqalpaqstan Respublikası Pedagogikalıq sheberlik orayında “Sapalı tálim: suniy intellekt hám oqıtıwdıń zamanagóy usılları” atamasında xalıqaralıq ilimiy-ámeliy konferensiya bolip ótti. Ilajda elimizden, sonday-aq Qazaqstan, AQSh, Rossiya, Filippin hám Ullı Britaniyadan kelgen alımlar, professor-oqıtıwshılar hám tálim tarawı qániygeleri qatnastı.
Konferensiyanıń tiykarǵı maqseti tálim sistemasında suniy intellekt hám cifrlı texnologiyalardan nátiyjeli paydalanıw, zamanagóy pedagogikalıq jantasıwlardı ámeliyatqa engiziw hám oqıtıwshılardıń kásiptiy kompetensiyaların rawajlandırıwdan ibarat boldı. Ilajda cifrlı tálim imkaniyatları, media sawatlılıq hám zamanagóy oqıtıw metodları keń múzakara etildi.
Konferensiyada tálim menedjmenti hám mekemelerdi basqarıw, sapa menedjmenti sistemaların jetilisiw, inklyuziv tálimdi rawajlandırıw, jas alımlardıń ilimiy izertlewlerin qollap-quwatlaw hám xalıqaralıq ilimiy sheriklikti keńeytiw máselelerine ayrıqsha itibar qaratıldı.
Ilajdıń plenar májilisinde jergilikli hám shet elli qániygelerdiń bayanatları tıńlandı. Sonday-aq bes bólimshe óz jumısın alıp barıp, olarda anıq hám tábiyiy pánler, til hám ádebiyat hám baslanǵısh tálimde zamanagóy pedagogikalıq sheberlikti asırıw máseleleri kórip shıqıldı.
Qaraqalpaqstan Respublikası Pedagogikalıq sheberlik orayınıń direktorı Gulistan Qozabaeva házirgi waqıtta tálim sapasın asırıw hám xalıqaralıq tájiriybeni engiziw áhmiyetli ekenin atap ótti. Onıń sózine kóre, bul konferensiya qániygeler arasında tájiriybe almasıw ushın zárúrli maydan bolıp xızmet etedi.
Konferensiya sheńberinde Qaraqalpaqstan Respublikası Pedagogikalıq sheberlik orayı hám Shımkent universiteti arasında tálim tarawındaǵı sheriklikti rawajlandırıwǵa baǵıshlanǵan memorandumnıń imzolanıwı ámelge astı.
Shet elli miymanlar ushın I.Savickiy atındaǵı Qaraqalpaqstan Respublikası Mámleketlik kórkem óner múzeyi boylap sayaxat sholkemlestirildi. Miymanlar muzeydiń kórkem óner shıǵarmaları hám xalqımızdıń mádeniy miyrası menen jaqınnan tanıstı.
Ulashish